Jæja þetta heppnaðist mjög vel og þökk sé frábærri nefnd. Stóðu sig eins og hetjur. Ég man að Sólrún var að reyna að sópa mér út þarna í lokin:). Engin málverk rifin niður og engar gloríur gerðar inn á KARLAKLÓSETTI!líkt og fyrir 5 árum síðan!Það var nú ágætt. Ég vil þakka sérstaklega Reyni Sævarssyni fyrir skemmtilegt kvöld ,kallinn í banastuði ,aðeins kjaftaði frá þarna í spurningakeppninni, en slapp þó fyrir horn. Allir fínir og flottir og virtust skemmta sér konunglega. Skellti mér  í miðbæ Keflavíkur með jakkafatastrákunum til frekari skemmtunar og sá ég að fleiri létu slag standa ogskelltu sér einnig. Labbaði  síðan  gamla skrúðgarðinn heim sem mér fannst nú svo stór og mikill hér í old days ,en þarna var ég nú bara rétt um hálfa mínútu að ganga í gengum hann:)
Gummi Þór með sömu húfuna og bara allt við það sama nánast ,gott mál hafið það gott þangað til  næst

 Kveðja úr borginni

         Áslaug Rut

Fermingarafmælið búið og ekki óeðlilegt að líkja þessu við jólin hjá litlu krökkunum. Búið að bíða síðan á áramótum og svo allt í einu er þetta búið. En nefndin á heldur betur hrós skilið fyrir frábært kvöld. Maturinn var mjög góður, salurinn tilvalinn, skemmtiatriði helvíti góð og ekki of löng, tónlistin fín. Allt í toppstandi. Ég vil líka þakka þeim sem mættu á körfuboltaleikinn og settu skemmtilegan svip á daginn. Maður fékk sting í magann þegar maður mætti í Heiðarskóla og það voru svona margir mættir. Ég bjóst við meiri mótspyrnu frá þeim grænu en við Keflvíkingar höfum greinilega ekki gleymt neinu.
  En enn og aftur, þrefalt húrra fyrir nefndinni. Þið sjáið svo aftur um þetta eftir 5 ár og ég geri ráð fyrir að undirbúningur sé hafinn. Allavega veitir ekkert af því með Þóri nokkurn Þorsteins innan ykkar raða. Sá er ekkert vanur að stressa sig yfir hlutunum.

Sjáumst þegar við verðum 34 ára!!!